Është prezantuar baza e të dhënave për rastet e dhunës në familje, e cila funksionon që nga 1 janari 2019. Databaza bashkon në një sistem të vetëm informatat nga policia, prokuroria dhe shërbimi social, duke u mundësuar institucioneve të analizojnë më thellë shkaqet e rritjes së rasteve. Ajo është financuar nga UN Women, është implementuar nga CACTTUS në bashkëpunim me KosovaLive dhe u prezantua në kuadër të fushatës “16 ditët e aktivizmit” kundër dhunës.